Les Pages Jèrriaises

Sonnet 66

Lâssé d'ches'-chîn, j'voudrais m'èrpôser, mort:
ch'est qu'lé pouôrre tcheûteux r'garde lé milsoutchi,
et lé c'nîn attînté, toutes ses vailes d'houors,
et la puthe fouai par l'malîn enfroutchie,
et l'reintchivâle honteusement honothé,
et la bouonne d'mouaîselle êcliandrée en douinne,
et l'chein sans taque, atout du nièr, douothé,
et l'fort aboté d'auve l'ordre tchi cliopinne,
et l'auteu teu par les autorités,
et l'ajet lichonné par la folyie,
et chein tch'est vrai traité d'stupidité,
et l'bouôn escliavé au maît' mauvaîtchi.
Lâssé d'ches'-chîn, j'm'n'îthais souos les mèrgots;
tout coumme, si j'meurs, j'laîss'sai m'n amour en d'so.


William Shakespeare
Vèrsion Jèrriaise dé Geraint Jennings

 

Viyiz étout:

 

Les Pages Jèrriaises