|
Mes vèrsets à l'av'nîn, tchi qu'les craithait S'i' sont stoffés d'tes vèrtus méthitouaithes? Ch'n'est rein qu'un monûment, et Dgieu lé sait, Tchi t'muche. Tan bieau portrait n's'y vèrra dgéthe. Si j'êcrivais toute la bieauté d'tan r'gard, Et, dans d'frais vèrsets, vèrsais touos tes louanges, Nou dithait bein, “Tchi rînmeux - tchi bûsard! Chutte fache n'est pon d'siez nous - mais d'siez les anges.” Don mêfie-té d'mes vièrs papièrs jaunis Tchi mentent en t'pâlant, coumme tchique gris caqu'teur. D'tan portrait rînmé, tu n's'sas pon l'aûnyi, Ni, d'ta vie à té, r'connu coumme l'acteur. Mais si tu'as un êfant, tu'éthas deux vies: Ieune dans té-même et l'aut' dans chutte poésie. William Shakespeare Vèrsion Jèrriaise par Geraint Jennings 2002
|
Viyiz étout: