|
Ma Muse, tch'a l'filet, s'tait par courtouaîsie quandi qu'nou dêcrit richement l'têt d'tan bouais. prêsèrvant t'n esprit d'chutte belle êcrithie et ches phrâses d'or dé tchi les Muses sont d'hait. Mé, j'pense au bein, mais l's aut's êcrivent bouonnement, et, coumme lé coûteu, j'crie acouo, "Âmen," à châque cantique grée par tchique entrégent dé tchi la plieunme polie, aufaite, s'en d'mène. J'ouais d'même tes louanges, j'dis, "V'là la véthité," et au copé des louanges, j'entâsse acouo, mais ch'est dans m'n esprit, dé tchi l'amour d'té, (ouaithe qu'les mots veingent driéthe) en prend l'avo. Pouor l's aut's ch'est tréjous venter et vanter; mé, par mes pensées muettes, j'ai pus d'r'êffet. William Shakespeare Vèrsion Jèrriaise dé Geraint Jennings |
Viyiz étout: