|
Ches heuthes tch'ont travailli douochement pouor graie chutte belle fache siez tchi châque yi veurt d'meuther chang'geont bein cruellement chein qu'il' ont fait, dêbellithont chein tch'est pus bé qu'bieauté. L'heuthe tchi n'dort janmais cache l'Êté d'l'avant en hôrribl'ye Hivé et l'y laîsse à tort; sa sève sècque et gliaichie, sans fielles, au d'sans, blianchie et êfreûlée à touos les bords: s'i' n'restait d'aut' dé l'ieau d'rose en boutelle, chutte distill'lie dé triliaches dé l'Êté, la bieauté né s'dithait pon qu'ou 'tait belle, et même chu bieau mémouaithe éthait roublié. La jus'sie d'flieurs, ouaithe qu'i' veingent hivenagi, lus pèrdra les pétales, pon lus esprit. William Shakespeare Vèrsion Jèrriaise dé Geraint Jennings |
Viyiz étout: