|
Tén amour, tan pitchi, veinnent apliati les rides dé rîth'lée féthées sus man front, Jé n'sis pon gêné s'nou m'louange ou en rit, s'tu'endgèrrue man mauvais, alloue man bouon. Tu'es m'n unnivèrs et j'dai tâchi d'saver touos mes beinfaits et ohièrs dans ta vouaix. J'n'ai fis d'âme d'aut' et n'y'a d'aut' pouor m'aver tchi peut féther en mé l'bouon ou l'mauvais. J'envyêthai toutes mes gênes dans un nièr creux si avant pouor n'ouï d'aut' la grînch'chie d'dents d'autchun trouve-à-r'dithe, d'autchun affliâtreux, pis ch't avis s'sîl'ye en mé coumme un sèrpent. Tu'es enréchinné dans man tchoeu si fort qu'tu'es entèrré et tout l'monde té craient mort. William Shakespeare Vèrsion Jèrriaise dé Geraint Jennings |
Viyiz étout: