|
Coumme tchi dithe pus qu'chennechîn: coumme tchi louangi tout l'trésor dé t'n amour? N'y'a rein coumme té: tu'as tréjous té-même dans ta trésôr'rie auve tes bieautés et tes valeurs souos clié. En plieunmant des louanges, ch'est qu'ma plieunme gângn'na dé tchi auve tchi d'ganner san sujet d'glouaithe. Mais en êcrivant d'té, y'a un amas dé té entouor té pouor haïster s'n histouaithe. Et raîque en d'gannant tout êcrit en té, sans t'dêfidguther ni t'êcrithe à tort, ses êcrits d'veindront ainchîn faux-sinnés, qu'san style sait admithé à touos les bords. Si tu'es bein bénîn, sai étout maûdit: tu'aime tant les louanges qu'les louanges en veinnent pouôrris. William Shakespeare Vèrsion Jèrriaise dé Geraint Jennings |
Viyiz étout: