|
V'là la bouonnefemme s'trînmousse pouor èrhapper iun d'ses cos êffathués et à banon, en assiévant s'n êfant, et d'pas dêliés couort souotre ch'tî-là qu'ou voudrait bein t'nîn bouôn. Néglyigi, l'mousse happe la pathe à sa siette, piâle pouor raver la femme tchi chasse d'avo chein tchi vole l'avant à lyi et qu'ou r'grette, sans r'mèrtchi la dêtresse dé san pouôrre p'tchiot. Té v'là d'même, tu t'lanche souotre lé chein tchi t'laîsse; quandi qu'mé, t'n êfant, jé t'chasse d'bein en driéthe, mais s'tu happe chein qu'tu'as sieu, r'veins, ma maitrêsse, et pus douochement qu'eune méthe, baîse-mé, ma chiéthe. J'priethai don qu'tu piêsse èrgângni tan vyi, en m'èrprannant, èrmormi ma piâl'lie. William Shakespeare Vèrsion Jèrriaise dé Geraint Jennings |
Viyiz étout: