|
Ou bein si m'n esprit, couronné dé té, avale chutte maladie d'rouais, chutte fliatt'tie, ou si j'di qué m'n yi dit la véthité et qué t'n amour li'ensîngnit ch't' alchimie dé touônner d's avouortons et d's êmânues en anges tchi pus à co lus r'sembl'yent à té, èrgriyant châque ohi en l'miyeu mus mais qu'à ma veue tout l'monde sait areunné? Oh, ch'est l'preunmyi - ch'est la fliatt'tie qué j'vai: m'n esprit en dêlâque rouoyalement sa sé - mén yi sait bein auve tchi qu'san goût s'èrgraie et s'lon san palais s'en sèrt sa tâssée. S'i' y'en a du v'lîn, ch'est l'pus p'tit péché, qué m'n yi l'aime et sait l'preunmyi à l'gouôter. William Shakespeare Vèrsion Jèrriaise dé Geraint Jennings |
Viyiz étout: