|
L'amour est mén ohi, et ta chiéthe vèrtu - l'hyie. Ch't' hyie contre mén ohi qu'oulle appelle nièr tchu - ah mais don! D'auve la meinne compathe ta vie épis tu trouv'thas qu'jé n'manque pon d'vèrtu; ou sénon, ch'n'est pon té tch'ôs'sas m'bliaûmer, té dé tchi les lèvres trisonnent lus rouogeu en faussant l'sîngne d'amour dé même qué mé, câfrant ès lyits d'aut' tchoeurs chein qu'j'avons deu. S'i' m'est pèrmîns dé t'aimer d'la faichon qu'tu fais la carre qué j'vai d'la carre dé m'n yi, pliante du pitchi au tchoeu, qu'i' faiche fouaîthon entréchîn qu'nou-s'ait, d'tan pitchi, pitchi. Si ch'est qu'tu chèrche à aver chein qu'tu muche, tu méthite rein d'mus qu'd'êt' traitée d'secque huche. William Shakespeare Vèrsion Jèrriaise dé Geraint Jennings |
Viyiz étout: