|
M'n amour est renforchi, mais sembl'ye pus mo. J'n'aime pon mains qué d'vant, ouaithe qué j'sembl'ye mains fort. S'nou crie s'n amour au marchi, v'là un lot qu'un amouotheux marchande à touos les bords. Raîque au R'nouvé not' amour prînt l'avo, quand j'l'atchilyais d'amors atout mes chants coumme, au c'menchement d'l'Êté, fait l'rossîngno, mais tchi mollit sa note à la Saint Jean. Ouaithe qué l'Êté sait bein pliaîthant acouo sans sa triste chanson tchi bèrchait la niet, la tuit'tie d'châque branque sans cêsse est un d'so. Ch'est qu'auve lé trop, nou-s'en est bein soupé. Coumme li don, j'restéthai eune pause sans brit: jé n'voudrais pon t'badrer d'ma poésie. William Shakespeare Vèrsion Jèrriaise dé Geraint Jennings |
Viyiz étout: