|
Coumme tchi qu'ma Muse pouôrrait mantchi d'sujet quandi qu'tu vis et vèrse dans m'n êcrithie chu thème à té, tch'est té, trop célébré pouor êt' raconté sus châque but d'papi? Louange-té té-même si'en cas qu'j'ai mîns bas autcheune chose tch'est êgale à ta valeu. Autchun médgian, véthe, êcriv'thait un tas d'ité si tu té-même en 'tais la lueu. Sai don la dgiêxième Muse tchi vaut dgiêx fais pus qu'la vielle neuvaine qu'les auteurs comptent belles, et l'chein tchi s'fiêtha à tan nom, qu'i' graie jusqu'à l'êtèrnité des longues libèles. Et si j'sis dêmus'lé pouor pliaithe ès gens, j'en éthai la peine, et té, l'amusement.
William Shakespeare
|
Viyiz étout: