|
Tu vieillis, véthe, tout coumme tu'es rajanni dans l'tchein, dans tchi qu'tu laîsse tén héthitage; et chu janne sang, qu'en jannèche tu'as sangni, tu pouôrras app'ler l'tchein mais qu'tu'âge en âge. Auve la mathiêthie, tout est sage et bé; mais sans mathiage, tout veint vyi, fraid et fo. Si touos 'taient dé t'n avis, tout s'sait ag'vé mais qu'souaixante années aient dit à bétôt. Qu'les cheins qu'la natuthe n'a pon grée dé garde saient péthînmés - d'peltas en pédginnâle. Lé chein tch'est dêjà rêjoui, ou l'enjouarde et chu don génétheux s'sait chein qu'tu r'bâle. Ou t'gravit pouor s'n êtampe pour êt' bein seûthe qu'tu'en f'thas des copies, pon qu'chutte copie meuthe. William Shakespeare Vèrsion Jèrriaise dé Geraint Jennings |
Viyiz étout: