|
Aut'fais nou n'dîthait pon qu'lé né 'tait bé ni, s'i' 'tait bé, 'tait mèrtchi dans ch't' accompte. Tout coumme la nièrcheu héthite d'la bieauté et la bieauté est nièrchie à sa honte. Dépis qu'châque main fait feint du natuthé, embellissant lé laid atout sén art, tchi qui r'connaît chu bé dêfidguthé, si ordinnaithe, êlouongni à l'êcart? Les ièrs d'ma douoche mé sembl'yent nièrs dé corbîn, deux ièrs en deu tchi lèrment à l'entèrrement des cheinnes, nées sans bieauté, êl'vées en souîn, tch'êcliandrent la natuthe d'eune cont'nanche tchi ment. I' plieuthent si bein habilyis d'bein bieau né, qu'un châtchun prie qu'la bieauté sait d'ité. William Shakespeare Vèrsion Jèrriaise par Geraint Jennings 2016 |
Viyiz étout: