|
L'amour est trop janne pouor r'connaît' l'atchitte, mais nou sait qu'ch'est l'amour tchi porte l'èrmorche. Douoche triqu'rêsse, né m'embliûtre pon qué j'té tchitte si tu t'adonne coupabl'ye d'mes fautes et forches. Si ch'est qu'tu m'trisonne, ch'est qué j'té trisonne atout m'n esprit au run d'man failli corps. Mén âme affliûtre man corps d'chennechîn, qu'i' m'donne l'adgèvement dans l'amour: la chai est pouor, et bande au son d'tan nom pouor t'adèrchi et gângni l'prix, en ordgi ordgilleûthe; oulle est entchéthinnée d'té bein sèrvi, dé s'mâter au ras d'té qu'tu t'couoche ou tcheuthe. L'atchitte est sans tchittanche, êbrélandée; ma douoche mé bande douochement pouor m'dêbander. William Shakespeare Vèrsion Jèrriaise dé Geraint Jennings |
Viyiz étout: