dé William Shakespeare
| Orsino | Si la musique souongne l'amour, jouez acouo. Donne-m'en lé trop à seule fîn d'm'rassâsier ainchîn endgèrdgichonnant m'n appétit. Ch't air-lo acouo, tch'avait eune note tchiyante. Ah v'là tch'a venté douochement dans mes ouïes comme par un fôssé êtrav'lé d'violets en parfénant l'parfum. Assez achteu. Ou n'apporte d'aut' comme d'vant la même douocheu. Esprit d'amour, es-tu vif et apèrt, tch'es si p'tit mais tch'èrchévthais eune mathée tchi nyêthait tout tchi tchèrrait souos tes louêmes, d'autcheune valeu, d'autchun êtat êl'vé d'un embront tout pitchi ho'-l'bord et nyé dans un rein. Lé d'si contcheint tant d'dessîns qu'il est à san tout seu d'la fantaisie. |
| Tchuthio | Vos pliaîthait-i' chasser, Seigneu? |
| Orsino | Qué tchi? |
| Tchuthio | La gèrche. |
| Orsino | J'l'adèrchithais bein, la cheinne qué jé chèrche: Olivia, tchille endgèrdgichonn'nie tchi cachit tout ma d'l'avant à mes ièrs. En l'êpiant j'fus touônné, mé, en gèrche, et comme des tchians d'chasse achéthîns mes d'sièrs couothent tréjous souotre mé. |
| (Valentîn entre) | |
| Tch'est qu'ou t'a dit? | |
| Valentîn | Seigneu, sén us m'restait tréjous bârré. |
Viyiz étout: