|
Combein souvent qu'té, ma musique, tu r'joue en mo mannyîment sus chu bouais rêjoui atout tes chièrs dés tch'y tapent l'air si doux qu'l'accord encliavé r'confondra mén ouïe qu'châque fais j'veinge, véthe, jaloux d'ches cliés vith'linnes tchi baîsent les buts d'tes dés dansant d'amain quandi qu'mes pouôrres lèvres, tréjous d'tes anminnes, d'sahontées par chu bouais r'bîndant, n'dithent rein? Pouor en êt' catouoillies d'même, i' chang'geaient d'pliaiche d'auve ches dansicott'rêsses dé doleuses sus tchi tes dés lus pronmènent comme i' t'pliaît d'rêjoui l'mort bouais pus qu'mes lèvres amouotheuses. D'pis qu'les cliés apèrtes dêbarrent not' pliaîsi, bâle-lu tes dés; mé, ta bouoche à baîsi. William Shakespeare Vèrsion Jèrriaise dé Geraint Jennings |
Viyiz étout: