Les Pages Jèrriaises

Sonnet 52

So am I as the rich, whose blessed key

Ma clié tchi ouvritha ta belle sétheûthe
Dait attendre. Coumme l'avare tchi n'èrgarde pon
San trésor toute la journée, toutes les heuthes,
J'ai peux d'dêfaithe la charme du chorchéthon.
I' n'y'a qu'tchiques jours dé fête dans l'calendri
Qu'nou mèrque don auve eune jouaie êtînchelante
Coumme des rares pèrles enfilées en colyi
Ou un bracelet d'pièrres précieuses et lithantes.
Ch'est l'temps tchi t'garde bârrée coumme un trésor;
Eune robe dé mathiage ségret dans l'armouaithe.
Quand tan jouéyau est enfîn alloué hors,
La lueu dé ma journée lit même pus cliaithe.
Quand jé n't'ai pon, jé t'veurs - jé t'veurs quand j't'ai;
Sans té, auve té - mé v'là heutheux deux fais.

William Shakespeare
Vèrsion Jèrriaise par Geraint Jennings 2002

 

Viyiz étout:

 

Les Pages Jèrriaises