|
À ta braichie sont chiéthis touos ches tchoeurs qué j'ai pèrdu et cru qu'il' ont mouothi; l'amour y'est embraichi, chein qu'l'amour veurt, et touos l's anmîns qué j'criyais en ponsi. Combein d'lèrmes béninnes, bégnadret en deu, qu'l'amour recta a tcheuté dans mén yi? D'la rente viagiéthe ès morts, tchi sembl'ye achteu raîque d'l'êpinnotchîn pliaichi dans t'n anid. Entèrré en té, l'amour a vêtchu couronné atout mes tchoeurs tchi sont hors, en té mes tchoeurs sont l'adgèvement d's êtchus qu'nou dait au monde, tchi batchulent dans tan corps. Lus visages, véthe, j'vai dans ta vîsagiéthe; tu'as d'l'avant dg'ieux, et d'mé étout l'driéthe. William Shakespeare Vèrsion Jèrriaise dé Geraint Jennings |
Viyiz étout: