|
Eune fais lé p'tit dgieu d'amour s'endormit; sa torche, tch'enfliambe les tchoeurs, laîssie au ras. Un fliotchet d'nŷmphes, vièrges juthées toute lus vie, y pâssîtent; mais la pus belle du bèrcas, atout sa puthe main ramâssit chu feu tch'avait caûffé des légions d'tchoeurs fidèles et d'même lé cap'taine du d'si en caleu fut, dans san dormi, d'sarmé d'eune hardelle. Ou dêteingnit l'tîthon dans un fraid pits tchi s'caûffit d'la fliambe d'amour à janmais et d'vînt et fontaine et bain à r'miédgi l's hoummes êtchoeuthés; mais mé, au tchoeu dadais, j'm'y rêjouis et r'dgéthis: d'ma douoche, l'escliave. Lé feu d'amour caûffe l'ieau, sans qu'l'ieau lé lave. William Shakespeare Vèrsion Jèrriaise dé Geraint Jennings |
Viyiz étout: