|
Tchi scîn qué tu'as qu'd'itelle piêssance tu graie d'fouaiblièche un pouver pouor m'êmoûtchi l'tchoeu, d'embliâser atout l'faux m's ièrs tch'y vaient l'vrai, et d'juther qué l'jour s'nyie dans la nièrcheu? Dé iou qu'tu'embellis d'même chein tch'est mêché, qu'dans tan grégeais en as-tu en veurs-tu y'a tant d'forche et asseûthance d'agenceté, qu'dans mén idée tan piéthe dêpâsse lé mus? Tchi qui t'duit coumme tchi m'faithe t'aimer acouo; pus j'crai et vai, pus j'porte la vielle rantcheune? Oh, ouaithe qué j'aime chein qu'd'aut's appellent un cro, acanté l's aut's, chiéthis ma malforteune. Si tén abandon bande l'amour en mé, combein, par té, qué j'méthite d'êt' aimé! William Shakespeare Vèrsion Jèrriaise dé Geraint Jennings |
Viyiz étout: