|
Les gens à v'nîn n'craithaient pon ma poésie S'ou n'tait qu'un long r'cit dé tes qualités, Eune sépultuthe, mouon Doue, tchi muche ta vie, Mais tchi n'garde qué la maintchi d'ta bieauté. Et si j'êcris la grâce tch'est dans tes ièrs, Si j'cartchule les million mouoyens qu'tu'es belle, Nou dithait qu'les poètes sont des mensongièrs: Ches faches né lithent pon ichîn, mais au ciel. Nou dait don s'motchi d'mes fieillets jaunis, Coumme des vièrs tchi bagoulent mais n'êcliaithent pon. Nou dit qu'ta véthité n'est qu'ma ment'tie, La mémouaithe mié-oubliée d'eune vielle chanson. Mais si, au temps à v'nîn, tu'as un avé, Tu vis deux fais: dans lî et man sonnet. William Shakespeare Vèrsion Jèrriaise par Geraint Jennings 2002
|
Viyiz étout: