|
Si j't'aime, ma fé, jé n't'aime pon auve mes ièrs Tch'ont apèrchu chent mille défauts en té. Man tchoeu aveugl'ye, en d'pit d'mes ièrs ouvèrts, A 'té entchéthaûdé par ta fache laie. Mes ouothelles n'aiment pon la chant'tie d'ta vouaix, Ni mes dés la c'mande dé t'touchi ilo; Mes nez et bouoche ont r'fusé dé gouôter Tes frits - té tchi n'es dgéthe un bouôn fricot. Chîn manniéthes dé t'aver - chîn fais j't'ai ieu, Mais jé n'sis pus qu'un chîntchième dé mé-même: Tu'as pus qu'la maîntchi d'mé, tu'as prîns man tchoeu. S'i' t'aime, tu m'éthas - auve tout chein qu'j'avêmes. J'ai tant péché en t'embraîchant là-bas; Mais tu m'fais pliaîsi en m'faîthant grand ma.
William Shakespeare
|
Viyiz étout: