|
Si ch'est qu'tu l'as, ch'n'est pon là man malheu; tout coumme nou peut dithe qué j'l'aimais bein, mé. Qu'ou t'as, né v'là chein tchi m'a pèrchi l'tchoeu: eune pèrte en amour tchi n'pâsse dgéthe liain d'mé. J'pardonne ès cheins tchi m'offensent: j'vos extchûthe. Tu l'aime en sachant, véthe, combein qué j'l'aime, et d'même en m'aimant ou m'joue et m'trélûthe et laîsse mén anmîn tchilyi chein qu'i' sème. Si j't'ai pèrdu, ma pèrte est l'gân d'ma douoche; si j'la pèrds, mén anmîn a r'ieu man ji. Ou vos ent'-gângniz et chutte gamme m'êcouoche: ent' vos amours j'sis crouaîsi et vengi. Mais y'a du r'ta: m'n anmîn et mé sont iun - oulle aime raîque mé don dé s'n amour offrun. William Shakespeare Vèrsion Jèrriaise dé Geraint Jennings |
Viyiz étout: