Les Pages Jèrriaises

Sonnet 119

Endgèrdgichonné auve des lèrmes d'séraines,
j'ai heunmé des heunmeurs, laies coumme l'Malîn,
êffrédolant l'espé, faîthant frédaine
et m'dêchithant quandi qu'j'tais achéthîn.
Combein d'travèrs qu'man tchoeu a êdgéthé,
s'criyant, coumme janmais d'vant, ofûche heutheux!
Coumme tchi qu'mes ièrs ont 'té d'même dêhoulés
atout chutte foll'téthie d'flianné fièvreux!
Lé ma nos amende, véthe, nou-s'est r'dgéthi
auprès eune maladie bein mus qué d'vant.
L'amour abattu quand il est r'bâti
craît pus bé qu'au c'menchment, pus fort, pus grand,
et j'èrveins lichonné à man pliaîsi
auprès tout l'dêpens, trais fais enrichi.


William Shakespeare
Vèrsion Jèrriaise par Geraint Jennings


 

Viyiz étout:

 

Les Pages Jèrriaises