Les Pages Jèrriaises

Sonnet 101

Oh maûfaite Muse, coumme tchi qu'tu r'pentithas
pouor aver néglyigi l'vrai teint dans l'bé?
La véthité et la bieauté au ras
d'man tchoeu r'dévthont des louanges, acanté té.
Rêponds, Muse, tu'éthas à conter d'tes luthes:
"I' n'est pon d'mêtchi d'farder chein tch'est vrai
ni d'brîngi d'couleu chein tch'est bé d'natuthe.
Un vèrmîngnon n'est pon eune bête à saie."
Nou n'a pon à l'êteurtre, mais pouortchi t'taithe?
Né reste pon sans chanter don, car tu'as l'scîn
dé l'faithe survivre pus longtemps qué l'chînm'tchiéthe
et êt' louangi par d's âges acouo à v'nîn.
Fai don tan d'ver, Muse - j't'apprendrai coumme tchi
l'mouontrer d'en par-là, coumme il est en vie.

William Shakespeare
Vèrsion Jèrriaise dé Geraint Jennings


 

Viyiz étout:

 

Les Pages Jèrriaises