|
À seule fîn d'adguchi sén appétit, nou gâte sa gouôte atout un mio d'aigrîn; dé même pouor s'cârrer d'autcheune maladie, d'sithos raide malaûc'theurs nou-s'est êprîns. Ch'est en tchi, rassasié d'tan doux sitho, j'm'êcanchis à fricoter d'sauces améthes et, mal au tchoeu d'bonheu, j'crus à propos d'aver l'tchoeu mo d'vant qué ch'fûsse nécéssaithe. Ch't avis d'amour: dé m'èrdgéthi sans té des maux à v'nîn, en vînt au pilôsi, et à l'èrmiède apportit la santé tchi, pouôrrie d'bouonté, par l'ma s'sait r'dgéthie. Mais, lichonné, j'apprends la dgéthîthon: qu'lé chein tchi t'avale, meurt d'ta prescription. William Shakespeare Vèrsion Jèrriaise dé Geraint Jennings |
Viyiz étout: