|
À m'n assembliée dé murmuthes et mémouaithes, Les rêves et r'vénants sont mîns sus les rangs. J'sis à plieuther lé miyeu et lé piéthe, Les jannes et vièrs tchi sont hors auve lé temps. Jé plieuthe acouo, mes ièrs n'yés dans lus lèrmes. La mort a bantchi m's anmîns dans ses nyits, La rente d'l'amour est èrdévabl'ye sans tèrme. L'pâssé, sans quartchi, m'a fait payi chi: Ma lament'tie don n'est pon la ment'tie. J'ai r'fait mes comptes et r'compté mes mêfaits, Et si mes dettes sont payies et r'payies, J'ai pèrdu mes amours et lus chiéthes vouaix. Mais si, en comptant, j'compte sus té, m'n anmîn, Lé deu qu'j'ai deu est deux fais mîns à fîn. William Shakespeare Vèrsion Jèrriaise par Geraint Jennings 2001 |
Viyiz étout: