|
N'laîsse pon lé rigot d'main d'Hivé grînmer l'Êté en té d'vant qu'tan mar sait couochi; sai êtampé et coule-té d'sus l'amet dé t'n aimée pouor qu'tan jus sait acouo chi. Chutte chiétheté n'est pon à la vielle mésuthe, mais eune nouvelle tch'enrichitha not' jouaie; v'là l'întéthet d'châque d'gout d'tan pur jus d'puthe en dgiêx bathis, t'enrichissant dgiêx fais; et, mus qu'té, dgiêx fais té s'sont pus rêjouis quand ches dgix-chîn dgiêx fais t'multipliéthont. Et tch'est qu'la Mort f'tha quand tu'éthas mouothi, en t'laîssant tréjous en vie dans tes j'tons? N'sai pon dêfidguthé; tu'es trop chiéthi pouor t'laîssi à des vèrs en héthitchi. William Shakespeare Vèrsion Jèrriaise dé Geraint Jennings |
Viyiz étout: