Les Pages Jèrriaises

Sonnet 97

J'ai-t-i' hivèrné bein liain d'té, man tchoeu,
té tch'es l'pliaîthi d'la couôrrie des saîsons!
J'ai-t-i' 'té blianche-gélé, veu d'la nièrcheu,
vêtchu l'vièr Dézembre en r'nonchiâtion!
Mais l'Êté d'meuthait, et eune bouonne portée
v'nait pouor lé Stembre duthant m's heuthes dêladgies,
d'pis qu'la natuthe fut sèrvie d'l'Èrnouvé
et, dêdgèrpie, espéthait acouo l'frit.
Mais i' m'sembliait qué ch't avoût d'anichette
'tait des rêves d'orphélîns, des j'tons sans péthe.
Tu'as l'Êté et ses pliaîthièrs dans ta siette
et quand tu'es hors, véthe, les ouaîthieaux lus taithent
ou bein, s'i' chantent, ch'est auve eune telle ennion
qu'les fielles palissent dé peux d'fraid et gliaichons.


William Shakespeare
Vèrsion Jèrriaise dé Geraint Jennings


 

Viyiz étout:

 

Les Pages Jèrriaises