|
Amour, rafraîchis ta fache, qu'nou n'diche pas qu'tén affi est pus êbué qu'l'appétit, tch'est aniet rassâsié en êtoupas et d'main acouo r'adguchi en affit. Fai d'même, amour, et ouaithe qu'aniet tu rempl'ye tes ièrs affanmés pouor les êtamper, èrvai don d'main et n'tue pon par exempl'ye lé d'si auve l'êbueûthie d'l'êtèrnité. Qué ch't entréchîn-chîn sait eune engoulême tchi spartit l'amouotheuse d'auve s'n amouotheux tchi touos les jours veinnent ès deux bords des louêmes èrvaie l'amour au liain - tchi belle èrveue! Ou qué ch'sait l'Hivé, tch'a un té haînu qué l'Êté s'adonne trais fais pus l'beinv'nu. William Shakespeare Vèrsion Jèrriaise dé Geraint Jennings |
Viyiz étout: