J'aim'thais mus êt' eune rose à tchian dans un fôssé qu'd'êt' eune rose dans sa grâce, et v'là tchi m'cadre l'heunmeu mus d'êt' dêdaingni d'un châtchun qué d'graie un affit à seule fîn d'embliûtrer autchun d'm'aimer. Dans chennechîn, ouaithe qué nou n'piêsse pon m'app'ler un honnête affliâtreux, nou n'peut pon dênier qué j'sis un franc malfaiteux. Nou m'fyie atout eune mûsiéthe et m'abanonne atout un abot; ch'est en tchi j'ai décidé dé n'pon chanter dans ma cage. Si j'avais ma bouoche à mé, j'gaff'thais; si j'avais ma libèrté à mé, jé f'thais tout à man gré. Dans l'entrétant, qué j'sais chein qué j'sis, et n'chèrche pon à m'changi.
Viyiz étout: