|
Veurs-tu qu'tén înmage atote mes paûpiéthes pouor m'garder êvilyi toute eune niétchie? Veurs-tu à ces sé qué jé n'm'accliâsse dgéthe quandi qu'tes êmânues lus moquent dé m'n yi? Ch'est-i' qu'tu'envyie t'n esprit bein au liain d'té pouor foucenoter dans m's affits et affaithes? Dêmuchi m's hontes et heuthes dé pièrcheûtheté? Ch'est-i' l'but dé ta jalousie dé m'niéthe? Nou-fait, t'n amour, si grand, n'est pon assez; ch'est m'n amour à mé tchi m'garde rêvilyi, m'n amour tchi m'empêche dé dormi la niet, tchi m'mâte en garde dé niet à t'seurvilyi. Jé t'garde à l'yi; tu'es d'aut' bord à vilyi, bein liain d'mé à d'meuther auve l'êtrangi. William Shakespeare Vèrsion Jèrriaise dé Geraint Jennings |
Viyiz étout: