Les Pages Jèrriaises

Sonnet 62

J'm'èrgarde tréjous atout un yi d'vandgîthe,
atout tout m'n esprit, toute mén atonmie,
et contre chu péché nou n'trouve pon à r'dithe,
car ch'est trop avant dans man tchoeu cachi.
Jé crai qu'ma fache est pus belle qu'autcheune aut',
qué j'sis pus grand, pus aufait, pus corso:
un portrait méthitouaithe qué j'en dêpieaute
sans pouver êpinnotchi autchun d'so.
Quand j'm'marmoûthèle, jé m'vai en véthité:
ma fache vieillie, halée, ma pé cratchie.
À la fîn j'm'adonne fliatté à r'bours pé,
et ch't affit d'sé touônne dévrai avratchi.
Ch'est pouor man té-même qué j'fai ches sifèches,
douothant mes vièrs jours dé ta belle jannèche.

William Shakespeare
Vèrsion Jèrriaise dé Geraint Jennings


 

Viyiz étout:

 

Les Pages Jèrriaises