Les Pages Jèrriaises

S'tu n'es d'fis d'âme janmais d'samouothâchie

Se a ninguém tratais com desamor

S'tu n'es d'fis d'âme janmais d'samouothâchie,
lanchant à touos les bords un yi d'faveu;
s'tu'es pouor mouontrer à un châtchun un tchoeu
tréjous d'douocheu épis d'amour remplyi;

jusqu'entréchîn mouontre-mé qu'j'sis mêprîsi,
sustout qu'tu m'haïthas à man tout seu
à seule fîn qu'à la fîn des fîns j'aie creu
qu'ché s'sa raîque mé, véthe, qué tu'éthas chouaîsi.

Ch'est en tchi s'tu traite touos les hoummes douochement,
v'là tchi prouve qué l'chein sustout préféthé
est l'chein pouor tchi qu'tu n'as autchun êcant.

Ma chiéthe, jé n'peux dgéthe êt' aimé par té
si tan tchoeu tcheint tchique aut' amour dédans:
l'amour, tch'est iun, n'est pon pouor êt' châré.

Luís Vaz de Camões
Vèrsion Jèrriaise 2018 par Geraint Jennings


 

Viyiz étout:

 

Les Pages Jèrriaises