Les Pages Jèrriaises

Sonnet 1

Des belles et bieaux j'en voulons d'abouôn pus,
pouor garder la rose d'la bieauté en vie.
Quand l'bouôn vyi met la clié d'siez li souos l'us,
lé janne d'amors en d'veindra s'n héthitchi.
Mais té, ballotté tréjous dans tes ièrs,
tu'es l'enfouônneux tchi s'brûle en caûffant l'fou,
et tu'en enfouônne pouor en finni d'dînnièrs
en t'conseunmant; tu'es à engaûmer tout.
Pouor l'monde achteu tu'es eune décothâtion,
lé prieux appathilyi d'l'Èrnouvé:
ta bieauté embonn'tée dans tan bouton.
Sans boute-déhors, té v'là à t'bâzarder.
Ai pitchi du monde, ou sai l'enfouônneux
tchi, à fîn d'héthitage, mange chein tch'est deu.

William Shakespeare
Vèrsion Jèrriaise dé Geraint Jennings


 

Viyiz étout:

 

Les Pages Jèrriaises