|
Ch'n'est pon la Pyramide, ni l'vièr grannit Tchi règnétha pus rouoya qu'chu vèrset. Véthe, couronnée sus chu trône d'poésie, Tu'es pus belle qu'pièrres et pavés salopés. La dgèrre contchéthitha les braves stchulptuthes Et les batâles mâch'chont la machonn'nie. Mais t'n înmage vit dans la mémouaithe et duthe Pus seûthe qu'lé feu, qu'la dgèrre, qu'la sâbréthie. Tu dêniéthas la rantcheune à l'entou, Et f'thas la litte auve la mort et l'oublyi. Lé monde s'en va t'admither à tréjous - Jusqu'à la dreine trompette, la dreine jug'gie. Jusqu'à chu fatal jour-là d'vant la Cour, Tu vis ichîn - et dans les ièrs d'l'amour. William Shakespeare Vèrsion Jèrriaise par Geraint Jennings 2001 |
Viyiz étout: