|
Oh, n'di janmais qu'man tchoeu 'tait hors d'êtchèrre ouaithe qué m'n absence fîsse ma fliambe trélûther; autant vaut mé sparti en deux maîntchièrs qué t'haler m'n âme dé iou qu'ou dait duther. V'là ma d'meuthe d'amour; si j'ai galvaûtchi coumme un houmme en viage, j'èrveins à ma d'meuthe recta à l'heuthe pouor pouver m'dêpaûtchi, et d'même jé peux m'laver d'chein tchi m'enteuthe. Oh, n'crai janmais, ouaithe qué j'sembl'ye asseûthé dans touos l's ohièrs tch'assiègent châque sorte d'humain, qu'ma natuthe peut êt' drôlement enteuthée et laîssi, pouor un o en chiffre, tan bein. Car, app'ler chu rond monde raîque mo, j'y'ôse: ch'est qu'tu'es bouôn rond tout ch'qu'i'y'a d'dans, ma rose. William Shakespeare Vèrsion Jèrriaise dé Geraint Jennings |
Viyiz étout: