|
Quand l's ans lî'éthont bailli eune talmoûse, M'n amour s'sa vyi - coumme j'sis dêjà vieilli; Né v'là lé temps tchi l'sangne, les heuthes tchi l'jusent Dans lus preinseu. San jour s'en va s'failli, À tchaie enfîn dans un couochant sanglieux. San rouoyaume dé biaux-biaux et dé bieauté Dispathaîtra. L'temps dêteindra sa veue Et vouail'la lé solé dé san R'nouvé. Eune fort'rêsse dé vèrsets es'sa ma d'fense Pouor qu'sa mémouaithe né sait janmais fauchie, Ni s'n avoût d'amour tchillyi; pouor qu'nou pense À sa belle fache dans la mort et l'oublyi. Sa bieauté r'lit dans chutte néthe êcrituthe Et flieuthit auve la jannèche dé vèrduthe.
William Shakespeare
|
Viyiz étout: