|
I' n'est pon d'mêtchi qu'nou t'faiche t'acconter pouor combein qu'tu'aimais ma vie méthitouaithe; man tchoeu, auprès ma mort, ché s'sait d'm'oublier, car tu n'trouv'thas en mé rein d'nécessaithe, sénon qu'tu'învite tchique méthite en menn'ties à seule fîn d'faithe pus pouor mé qué j'méthite, en heunant un tas d'louanges sus m'n atonmie qu'la véthité stégrinne voudrait qu'tu'atchitte. I' n'est pon d'mêtchi qu'tén amour diche faux en dîthant des menn'ties d'amour pouor mé. Mé, d'funt, jé n't'ahont'tais d'aut' auve mes d'fauts; qu'man nom, au ras d'man corps, sait entèrré. Tout chein qué j'pense à t'bailli, ch'est honteux; ta honte, ch'est d'un laiduthe d'êt' amouotheux. William Shakespeare Vèrsion Jèrriaise dé Geraint Jennings |
Viyiz étout: