Les Pages Jèrriaises

À la Saint Martîn

À la Saint Martîn, d'but souos un chât'nyi à j'va;
j'câtouôle lé p'lage du bouais en paûtchant ses pliates fielles.
Rêsolûment j'm'y donne à cliuter atout l'bra
tchi sînte du trou et d'puthe à crêp'ler dans les ruelles.

V'là l'assenteu d'la s'menche, la vannil'ye du gâchîn
tchi juse dé châque vèrdgette dé tchi la crème crêpèle:
eune mathée d'mârronn'nie monte à la Saint Martîn.
J'sis mâté à l'ouvèrt, sémnigache, d'houors dans l'bel,

êcliaithi des candelles. Un mârron batilieux
est laîssi à droûler - un nage qué nou batèle,
s'mé tout à la volée dans l'grupé par lé s'meux
êcliatchi d'auve la s'menche et êteuchinné dg'hielle.

Des joudgies dé blianche sauce brâlent l'êcorche au chât'nyi -
un bouais qu'nou-s'êchitchèle raîque pouor ch'minner ma scie.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises