Les Pages Jèrriaises

Sonnet - World Trade Center, New York, lé onze dé Septembre 2001

 

Les ailes d'la mort ont freûlé chutte stchelette.
Les morts dé l'air embraîchîtent chu chînment.
La néthe brachie du faûcheux ès plieunmettes
A soûfflié lé drein soupi des pouôrres gens.
Ch'est la faûch'chie des longues-pièrres finnanciéthes:
Lé giant à deux gambes craûlit sus ses pids.
Tchiyant ès g'nouors, i' murmuthit en priéthe,
“Ch'est finni,” et rendit san drein soupi.
Lé dêteingneux d'crâsset s'lanchit ès veues
Et freunmit - freunmit - à tréjous les ièrs
Ès innouothants. Les chandelles au faûcheux
N'illeunminnent qué lé c'mîn ès nièrs fôssièrs.
Vai-tu la fliambe tchi lampe siez nous les nyits?
Vai-tu ches grises stchelettes êtalvachies?

 

Geraint Jennings
11/9/2001

 

Viyiz étout:

 

Les Pages Jèrriaises