|
Ch'est eune tormente d'Hivé, un poudrîn d'papillons tch'est à nos tchaie sus l'co, tchi pâle du blianc blèrnîn; eune bliancheu d'langues tchi liquent, des brîns d'né à banon... Nos patholes drissent et frouquent: ch'est l'êcriliade ès c'mîns. Les piêtons tchi gabathent, les boulants tchi n'vont dgéthe; les précaûcieurs pilonnent, lus bravent et lus êbraqu'tent, en droûlant à la drive pouor d'valer les trottouaithes, et nou droque en caqu'tant auve l'hielle d'san tchoeu tchi vâqu'te. J'dêpaûtons nos patholes en papillons d'pliaîthi: eune couoche dé sîngnes tchi dâthent lé papi d'not' pallion; épis si ch'est qu'les ruettes salées atout nos d'vis sont ouèrtes à c'meunitchi - j'prêchons en liquefrions. Dêgliaichons chu lîngo qué j'pâl'lêmes en poudrais, un abat d'bagoul'lie, toute eune touâle dé Jèrriais.
|
Viyiz étout: