|
L'Hivé d'rouoge vîn r'est hors. Nos contes à l'entou d'l'âtre dêpensîtent dans la plyie et coulîtent à la mé, saûssant l'ieau à la bouoche des acteurs dans l'thiâtre, pâssant en louêmes dé sang et d'sens dans lus vèrsets. Ches rouoges russieaux douothîtent nos tchoeurs dans la gal'lie; nos embraiches èrteurtchies fûtent exhibées éyou qu'nos journées d'jouaie vèrsîtent dans la mathée d'nos nyits, iou qu'nos patholes d'espé fliottîtent avaû lé dou. V'là l'Èrnouvé des mots tchi rap'tiéch'cha nos miettes. Nos bathis à cânchons s'sont heunés d'nos murmuthes. Eune boutilyie d'blianc vîn, véthe, arrouôs'sa les g'zettes et d'samath'tha nos langues. Tout rouoge change en vèrduthe. Nos pièches bragies fûtent jouées dans la bliâse en Hivé; J'ouïthons l's appliaudissements sus la brise au R'nouvé. |
Viyiz étout: