|
Coumme un péthe en vieillèche s'abuse à vaie san chièr moussetchot meutîn à vrénoter, mé, vieilli d'pis qu'la forteune hale man hait, j'sis haitchi d'ta valeu, d'ta véthité. Si ch'est la bieauté, la richesse, l'avis, touos ches'-chîn, autchun dg'ieux, ou pis acouo, tchi dans tan corps sont rouoyalement assis, mé, j'ajouôte mén amour à chu gros lot, et d'même, jé n'sis d'aut' vyi, hampion, ni abafoué quandi qué ch't ombre ligi chèrge un 'té paids qué j'sis rassâsié dans ta cotonnée et auve raîque l'ombre dé ta glouaithe satisfait. Tout chein tch'est l'miyeu pouor té, v'là man souhait, et souhaitant d'même, j'sis heutheux pus qu'dgiêx fais. William Shakespeare Vèrsion Jèrriaise dé Geraint Jennings |
Viyiz étout: