|
Mén yi a joué l'peintre et a peintuthé ta lîngne dé bieauté sus l'cannevas d'man tchoeu. Man corps - lé j'valot où'est qu'oulle est mouontrée; dé près ou d'liain, san portrait est l'miyeu. Vai l'travèrs du peintre sén ajet tch'y couort pouor trouver t'n înmage y m'suthé d'êtchèrre et pendu par man tchoeu dédans sa storre vitrée d'ôsaines tchi lus adonnent tes ièrs: tes ièrs m'èrtouônnent, mes ièrs lus touônnent à té. Ches ièrs t'ont dessinné, et pouor d'tén yi, i' pèrche eune iliéthe en mé pouor l'solé à t'êpier jouaiyeusement, à t'seurvilyi. Mais l's ièrs manquent chein tchi f'thait lus art miyeu: i' halent raîque chein qu'i' vaient, sans haler l'tchoeu. William Shakespeare Vèrsion Jèrriaise dé Geraint Jennings |
Viyiz étout: