|
Chu monde n'a rein à mouontrer dé pus bé: Chu pont craûlant êmoûque man pouôrre esprit Auve eune veue d'pouvé plieine dé majesté, Dé tours, dé batchieaux et d'méta tchi r'lit Sus les dômes, crannes et bâtisses d'la Cité. Saint Paul, coumme sus lé c'mîn m'nant à Damas, Happé par les crannes-rayons du solé, Est soûfflié par la lueu. Tchi pataflias! Tchi confus! L'pont, nou n'peut pon lé crouaîsi! N'y'a pon dé vie à vaie dans chutte Cité; Les maît's dé la riviéthe sont dêbraiesis Par la natuthe d'un pont tch'a trop craûlé. Et même les poètes tchi veulent aller en tchête D'idées sont fitchis ichîn dans la Tate.
Geraint Jennings |
J'vîsitis l'exhibition sus l'Surréalisme à la Gal'lie Tate Modern à Londres. Lé solé lithait et ch'tait pitchi qué l'pont du Millénaithe (mênommé “l'pont craûlant”) 'tait acouo freunmé. Quand j'sis à Londres, j'aime èrciter “Earth has not anything to show more fair” quand j'crouaîse la riviéthe. Jé n'dis pon qué Wordsworth éthait êcrit eune poésie coumme chennechîn sus l'pont d'achteu, mais j'sis seu qu'il éthait r'gretté qu'i' sait freunmé.
Viyiz étout: