Man tchoeu et m'n yi font eune batâle dé flieurs: coumme tchi sparti l'butîn d'tan doux portrait. Mén yi dithait à man tchoeu d'aller tcheûrre; man tchoeu dêbârr'rait m'n yi d'autchun d'ses drouaits. Man tchoeu est à pliaidgi qu'tu t'couoche en li dans eune chambre bârrée contré d's ièrs d'crista. Mais l'contraithe est contré-pliaidgi par l'yi tchi dit qu'ch'est en li tchi lit tout t'n êcliat. À seule fîn don d'mouontrer titre, eune entchête d'affits est sommée, des chefs-t'nants du fieu, et né v'chîn lus vèrdi: qué tén êtchête sait mitouoyenne entré m's ièrs et man tchoeu. Ainchîn tout chein tch'est deu est chein qu'nou r'chait: l'amour au tchoeu, et à l'yi chein tch'i' vait. William Shakespeare Vèrsion Jèrriaise par Geraint Jennings 2016 |
Viyiz étout: