|
Pouortchi qu'mes vèrsets manquent dé ches ordgièrs, ches falbalas d'la toute dreine fantaisie? Pouortchi, auve l'heuthe, qué j'n'èrgarde pon d'travèrs pouor vaie les folles faichons et neuf affits? Pouortchi qu'j'êcris tréjous d'la même faichon, à habilyi m's affits d'eune vielle câsaque, qué quâsi châque mot r'est mèrtchi d'man nom, et d'san pas d'l'us châque pathole en dêsaque? Sai man galant, ch'est d'té tréjous qu'j'êcris, et té et l'amour sont tréjous m'n êcant, qu'auve des vièrs mots j'êprouve a rabilyi - et j'èrpaie ches louanges en les rempaûtant. Lé solé r'lit châque jour et neu et vyi; dé même mén amour èrdit chein tch'est dit. William Shakespeare Vèrsion Jèrriaise dé Geraint Jennings |
Viyiz étout: