Les Pages Jèrriaises

Sonnet 52

So am I as the rich, whose blessed key

Coumme lé grîncheux, j'ai eune clié argentée
Tchi ouvre ma boêtée d'trésor, d'bijout'ties
Qué j'n'èrgarde pon châque heuthe dans la journée,
Ayant peux d'pèrdre la jouaie d'les dêcouvri.
Les fêtes sont rares et mèrtchies auve pliaîsi,
Viyant qu'i' sont les jours l'pus înmportants,
Coumme des jouéyaux tchi lithent dans un colyi,
Pliaichis dans l'année coumme des bieaux dgiamants.
Tout coumme eune pièrre précieuse, jé t'garde souos clié,
Coumme, dans l'armouaithe, eune belle robe est muchie
Jusqu'au drein moment qu'oulle est libéthée:
Eune prîsonniéthe, horte, porte des neu habits.
Sans té, j'ai l'espé d'la boête à Pandore;
Auve té, j'ai la clié d'ma boêtée d'trésor.

William Shakespeare
Vèrsion Jèrriaise par Geraint Jennings 2002

 

Viyiz étout:

 

Les Pages Jèrriaises