Les Pages Jèrriaises

Sonnet 107

Ch'n'est pon mes doutanches ni la prédithie
du monde entchi tchi rêvent ès choses à v'nîn
tchi tèrmiéthont lé bâle dé man vrai d'si,
qué j'crai à mé, mén héthitage sans fîn.
La leune a 'té êclyipsée: oulle est morte;
les dîs'rêsses dé chance - moqu'rêsses dé lus m'sages;
les crianches achteu couronnées pus fortes;
d's olivièrs pliantés pouor la paix ès âges.
D'enpis ches heuthes hielleûthes ont onguenné
man tchoeu, et la mort m'fait des révéthences
car, contre lyi, j'vivthai dans chu pouôrre vèrset
quandi qu'ou règne sus san monde dé silence.
Et tu trouv'thas tan monument ichîn,
quand y'étha raîque, des cheins ès rouais, d's êqu'sîns.

William Shakespeare
Vèrsion Jèrriaise dé Geraint Jennings


 

Viyiz étout:

 

Les Pages Jèrriaises